ملک کو معاشی بحران سے نکالنے کا حل شفاف انتخابات ہیں، شاہ محمود قریشی

لاہور(شوریٰ نیوز)پاکستان تحریک انصاف (پی ٹی آئی) کے رہنما شاہ محمود قریشی نے کہا ہے کہ ملک کو معاشی بحران سے نکالنے کا حل شفاف انتخابات ہیں،تمام ادارے ملک کا سوچیں ،نگراں حکومت کے حوالے سے کوئی رابطہ نہیں کیا گیا، تمام اداروں سے درخواست ہے ملک کا سوچیں۔ملک کو مایوسی اور معاشی بحران سے نکالنے کا واحد راستہ نئے اور شفاف انتخابات ہیں۔الیکشن کے حوالے سے سپریم کورٹ کا تفصیلی فیصلہ موجود ہے۔ تمام اداروں سے درخواست ہے ملک کا سوچیں۔نگراں حکومت کے حوالے سے ہم سے کوئی رابطہ نہیں کیا گیا۔ چیئرمین پی ٹی آئی کے حوالے سے جو فیصلہ آیا اس پر بہت تحفظات ہیں۔ اس فیصلے کے معطل ہونے کے امکان موجود ہیں۔ ہم سمجھتے ہیں فیصلے کے خلاف اپیل میں انصاف ملے گا۔ ہم نے تمام سیاسی معاملات پر نظر رکھنی ہے اور سب نے مل کر فیصلہ کرنا ہے۔ مردم شماری کے رزلٹ جو مئی میں آ چکے تھے تو تمام کام کیوں نہیں کیا۔ کیا یہ سب الیکشن کو ملتوی کرنے کی حکمت عملی تو نہیں ہے۔اسمبلیاں 9 تاریخ کو تحلیل ہو رہی ہیں۔