اسلام آباد ( شوریٰ نیوز ) پاکستان تحریک انصاف کے چیئرمین کے وکیل علی اعجاز بْٹر نے کہا ہے کہ سابق وزیرِ اعظم کے ساتھ سی کلاس والا سلوک کیوں کیا جارہا ہے؟ سماجی رابطے کی ویب سائٹ ٹوئٹر پر اپنے ایک ٹویٹ میں میں وکیل علی اعجاز نے کہا کہ ماضی میںدیگر سیاستدانوں کو عدالتوں سے ریلیف دیا گیا، جیلوں میں دیگر سیاستدانوں کو بہتر سہولیات کے ساتھ رکھا گیا۔علی اعجاز کا کہنا ہے کہ چیئرمین تحریک انصاف بھی سابق وزیرِ اعظم ہیں، جیل میں قانون کے مطابق سہولیات ملنی چاہئیں۔انہوں نے کہا کہ نواز شریف کا ذاتی ڈاکٹر ہر ہفتے جیل میں ملنے جایا کرتا تھالہذا چیئرمین تحریک انصاف کے ڈاکٹر فیصل سلطان کو بھی اجازت ملنی چاہیے۔