شاہراہ قراقرم پر کوہستان چوچنگ کے مقام پر ٹریفک حادثے میں نجی کمپنی کے تین مزدور جاں بحق ہو گئے۔
پولیس کے مطابق نجی کمپنی کے مزدور کام کرنے کے بعد واپس جا رہے تھے جہاں شاہراہ قراقرم پر گاڑی ڈرائیور سے بے قابو ہو کر دریائے سندھ میں جا گری، جاں بحق مزدوروں کی شناخت عطاء اللہ، محمد ایاز اور ظہور حسین کے نام سے ہوئی ہے۔
پولیس حکام نے بتایا کہ لاشیں دریائے سندھ سے نکال کر ہسپتال منتقل کرکے ضابطے کی کارروائی کے بعد آبائی علاقوں کو منتقل کر دی گئیں۔