گورنر سندھ محمد کامران خان ٹیسوری نے کہا ہے کہ ہمارے سپہ سالار کو پاکستانی ارطغل کا نام دے رہا ہوں۔
شہر قائد میں ماؤں کےعالمی دن کےحوالے سے گورنرہاؤس میں کیک کاٹنے کی تقریب سے خطاب کرتے ہوئے کامران ٹیسوری کا کہنا تھا کہ اللہ تعالیٰ نے ہمیں دنیا کے سامنے سر خرو کیا۔
انہوں نے کہا کہ ہماری افواج نے سب کا سر فخر سے بلند کردیا، اپنے سپہ سالار کو پاکستان ارطغل کا نام دے رہا ہوں، پوری قوم افواج پاکستان ایئر فورس اور نیوی کے شانہ بشانہ کھڑی نظر آئی۔
گورنر سندھ کا مزید کہنا تھا کہ ہماری پوری قوم بے خوف اور بے فکر تھی، اس کی سب سے بڑی وجہ ہے عوام کا اعتماد اپنی فوج پر تھا، کشیدگی کے دوران گورنر ہاؤس اور اس کی ٹیم بھی پیچھے نہیں رہی۔