وفاقی وزیر صحت مصطفیٰ کمال کا کہنا ہے بھارتی وزیر اعظم نریندر مودی کا شکریہ ادا کروں گا کیونکہ ان کے ایک ایڈونچر نے پاکستان نے سب کچھ بدل دیا۔
میڈیا نمائندوں سے گفتگو کرتے ہوئے وفاقی وزیر صحت مصطفیٰ کمال کا کہنا تھا پاکستان کو اللہ نے عظیم الشان فتح دی ہے، پاکستان ہمیشہ امن چاہتا ہے لیکن بھارت نے اسرائیل کے اکسانے پر اتنا سب کچھ کیا۔
مصطفیٰ کمال کا کہنا تھا پاکستان نے کہا کہ پہلگام کے حملے کی تحقیقات کرائی جائے، انڈیا نے پاکستان پر ڈرون اور میزائل بھیجے، میں پاک فوج، نیوی اور فضائیہ کو سلام پیش کرتا ہوں۔
ان کا کہنا تھا پاکستان کے لوگ کرائسز کے وقت ایک ہو جاتے ہیں، ایسا نہیں ہے کہ اختلافات ختم ہو گئے لیکن کوئی تو بات ہو گی جس پر سب متفق ہیں، میں مودی کا شکریہ اداکروں گا کہ اس نے ایک ایڈوینچر سے سب بدل دیا، 20 دن پہلے کا پاکستان اور آج کا پاکستان بالکل مختلف ہے۔
وفاقی وزیر کا کہنا تھا کشیدگی میں ہم نے ادویات اور خام چیزوں پر کام شروع کر دیا ہے، ڈریپ مکمل ڈیجیٹل ہو گیا ہے، ایسا نہیں ہے کہ ہمارے ملک میں کسی چیز کا علاج ممکن نہ ہو، لوگوں کی چوائس ہوتی ہے کہ وہ کس ڈاکٹر پر اعتماد کرتے ہیں، حیدرآباد کے دونوں بچوں کا علاج جاری ہے۔
ایک سوال کے جواب میں مصطفیٰ کمال کا کہنا تھا انڈیا کی اوقات نہیں ہے کہ وہ پانی بند کرے، مودی نے امریکی صدر سے جنگ بندی کے لیے مدد مانگی۔