وزیراعظم محمد شہباز شریف سے ارکان قومی اسمبلی نے ان کے آفس میں ملاقات کی۔ملاقات کرنے والوں میں چودھری ذوالفقار علی بھنڈر، شاہد عثمان ابراہیم، سعد وسیم اختر شیخ اور سابق رکن قومی اسمبلی عابد رضا کوٹلا شامل تھے۔
وزیراعظم سے الگ الگ ملاقات میں شرکا نے حکومت پاکستان کی پالیسیوں کی بدولت ملک میں حالیہ معاشی استحکام پر وزیراعظم کو خراج تحسین پیش کیا۔ملاقات میں متعلقہ حلقوں کے امور پر گفتگو کی گئی، ملاقات میں وزیر برائے پارلیمانی امور یونٹ رانا مبشر اقبال اور معاون خصوصی طلحہ برکی بھی شامل تھے۔