آفیشل سیکرٹ ایکٹ عدالت نے سائفر کیس میں چیئرمین پی ٹی آئی کے خلاف جوڈیشل ریمانڈ میں 26 ستمبر تک توسیع کردی۔
خصوصی عدالت کے جج ابوالحسنات محمد ذوالقرنین نے سائفر کیس کی سماعت کی۔ قبل ازیں چیئرمین پی ٹی آئی عمران کی لیگل ٹیم کے 9 وکلا کو اٹک جیل جانے کی اجازت دی گئی تھی ۔
چیئرمین پی ٹی آئی نے جیل میں ہونے والی سماعت میں عدالت کے سامنے کوئی شکایت نہیں کی۔ انہوں نے جیل حالات کو تسلی بخش قرار دے دیا۔
چیئرمین پی ٹی آئی نے سیکورٹی کے لحاظ سے جیل میں خود کو محفوظ قرار دیا ۔ ذرائع کے مطابق بشریٰ بی بی سے ملاقات کا وقت چیئرمین پی ٹی آئی کی استدعا پر بڑھا دیا گیا۔