ڈائریکٹرنیشنل سونامی سینٹرکراچی امیرحیدرلغاری نے کہا ہے کہ زلزلہ کہاں،کب آئےگا،اس کی قبل ازوقت پیش گوئی نہیں کی جاسکتی، چمن کے زیرزمین فالٹ لائن میں ارتعاش ریکارڈ کیاگیاہے،جس کی بنا پراگلے 2روز میں کوئی طاقتورزلزلہ آسکتا ہے،جس کی شدت ریکٹراسکیل پر6یا پھراس سے زیادہ ہوسکتی ہے۔
ایس ایس جی ایس نےچمن فالٹ لائن کو انتہائی طاقتور ممکنہ زلزلہ کا ریجن قراردیا ہے،بڑی پلیٹس کی سرحدیں پاکستان کے درمیان سے گذرتی ہیں، یہ سرحدیں سومیانی سے پاکستان کے شمالی علاقے تک پھیلی ہوئی ہے، ان باونڈری لائن میں کسی بھی مقام پر زلزلہ آسکتا ہے جس کی پیشگوئی ممکن نہیں ہے۔
1892میں چمن فالٹ لائن پر9سے10شدت کا زلزلہ آچکا ہے جبکہ سن 1935میں چلتن رینج میں شدید زلزلہ آیاتھا جس میں ہزاروں افرادجاں بحق ہوئے تھے، عام طور پر 100 سال کا عرصہ گزرنے کے بعد باونڈری لائن میں دوبارہ زلزلہ آنے کا امکان رہتا ہے۔