مسلم لیگ ن کے مرکزی رہنما سینیٹر اسحاق ڈار نے سینیٹ اجلاس میں اظہار خیال کرتے ہوئے کہا کہ ہم ماضی میں دہشتگردوں کے خلاف معنی خیز ایکشن نہیں لے سکے۔
ضرب عضب کا فیصلہ نواز شریف حکومت میں ہوا، 2013 کے بعد دہشتگرد کارروائیوں میں کمی آئی لیکن پھر 2018 کے بعد پالیسی میں تبدیلی آئی۔
افغانستان میں طالبان کی حکومت آئی تو ہمارے ذمہ دار وہاں پہنچے، کابل میں انڈر اسٹنڈنگ کے تحت سینکڑوں سخت گیر دہشتگردوں کو پاکستانی جیلوں سے رہا کیا گیا۔
ہم نے پالیسی پر یوٹرن لیا اور سخت دہشتگردوں کی رہائی کے بعد ملک میں دہشتگردی میں اضافہ ہوا، نگران حکومت دہشتگردی پر ان کیمرا بریفنگ دے۔
اگر کوئی کہے کہ دہشتگردوں کے خلاف کارروائی میں ٹھہر جائیں، 8 فروری کا انتظار کریں، ایسی چیزوں پر انتظارنہیں ہوتا۔