میٹرک کے امتحانات مئی کے پہلے ہفتے جبکہ انٹرمیڈیٹ کے امتحانات مئی کے آخری ہفتے سے شروع ہوں گے،نیا تعلیمی سال 15 اپریل سے شروع ہوگا ۔
ترجمان محکمہ تعلیم کے مطابق نگران وزیر تعلیم رعنا حسین کی زیر صدارت اسٹیرنگ کمیٹی کی ذیلی کمیٹی کا اجلاس ہوا جس کے مطابق موسم سرما اور گرما کی تعطیلات کا پرانا شیڈول برقرار رہے گا ۔
ترجمان کے مطابق میٹرک کے نتائج 31 جولائی اور انٹرکے نتائج اگست کے دوسرے ہفتے تک آئیں گے جب کہ موسم گرما کی تعطیلات میں اساتذہ کے لیے 15 روز کا تربیتی سیشن کیا جائے گا۔