پاکستان پیپلز پارٹی کے چیئرمین بلاول بھٹو زرداری نے مٹھی میں پریس کانفرنس کرتے ہوئے کہا کہ(ن) لیگ کے لیے لاہور میں مشکلات ہیں اس لیے انہیں دوسرے صوبوں پر فوکس کرنے کا مشورہ دیا گیا ہے، میاں صاحب اکا دکا سیٹوں کے لیے بلوچستان جانے کی تکلیف اٹھا رہے ہیں
بلاول بھٹو زرداری نے سابق وزیراعظم نواز شریف کے دورہ بلوچستان کو (ن) لیگ کی کمزوری کا نتیجہ قرار دے دیا،بہتر ہے پنجاب پر فوکس کریں ۔
میاں صاحب نے بلوچستان عوامی پارٹی کے سینیٹرز کے ووٹ لینے پر پیپلزپارٹی کو بہت طعنے دیے تھے کہ باپ کے ووٹ بہت برے ہیں ، امید ہے کہ وہ اپنے مؤقف پر قائم رہیں گے ۔
15 ماہ (ن) لیگ کو بہت قریب سے دیکھا ہے، وفاق اور صوبے میں حکومت اور اداروں کا ساتھ ہونے کے باوجود (ن) لیگ ضمنی الیکشن سے بھاگتی رہی تھی۔
یہ پہلا الیکشن ہونے جا رہا ہے جس میں پیپلزپارٹی کی کسی ادارے سے کوئی لڑائی نہیں ہے، آج بھی ایک فیلڈ بنائی جا رہی ہے لیکن پیپلزپارٹی ہر پچ پر الیکشن لڑنے کے لیے تیار ہے۔