سابق وزیراعظم عمران خان کو توشہ خانہ کیس میں سزا سنانے والے جج ہمایوں دلاور کی تعیناتی کا نوٹیفکیشن جاری کردیا گیا،جس کے مطابق جج ہمایوں دلاور جوڈیشل کمپلیکس اسلام آباد میں فرائض سرانجام دیں گے۔
دوسری جانب ذرائع کے مطابق اسپیشل جج سینٹرل 2 کیلئے کمرہ عدالت جوڈیشل کمپلیکس میں تیار کرلیا گیا ہے، جج ہمایوں دلاور ایف آئی اے اور سائبرکرائم سے متعلق کیسزکی سماعت کریں گے۔
رواں سال اگست میں اسلام آباد کی ڈسٹرکٹ اینڈ سیشن عدالت کے جج ہمایوں دلاور نے توشہ خانہ کیس میں عمران خان کو تین سال قید کی سزا سنائی تھی جس کے بعد چیئرمین پی ٹی آئی کو لاہور سے گرفتار کرکے اٹک جیل منتقل کیا گیا تھا،بعدازاں اسلام آباد ہائیکورٹ نے سزا معطل کردی تھی۔