تربت میں مبینہ مقابلے میں ہلاک نوجوان بالاچ مولابخش کی تدفین واقعے کے7 روز بعد مقامی قبرستان میں کی گئی جس میں لواحقین کے علاوہ دیگر افراد کی بڑی تعداد شریک ہوئی۔
واضح رہے کہ تربت میں نوجوان کی ہلاکت گزشتہ جمعرات کو سی ٹی ڈی کے مبینہ مقابلے میں ہوئی تھی جس کے بعد لواحقین نے دھرنا دیا تھا۔
دوسری جانب اس واقعہ کےخلاف لواحقین کا دھرنا تاحال جاری ہے،ان کا کہنا ہے کہ مطالبات تسلیم کیے جانے تک تربت مین چوک پر احتجاجی دھرنا جاری رہے گا۔
دھرنے کے شرکاء کے مطالبات میں متعلقہ اہلکاروں کے خلاف مقدمےکا اندراج او رواقعہ کی جوڈیشیل انکوائری شامل ہیں۔