چیئرمین پیپلز پارٹی بلاول بھٹو زرداری نے اقتدار میں آنے کے بعد وفاق میں 17 بڑی وزارتیں بند کرکے 300 ارب روپے عوام پر لگانے کا اعلان کر دیا۔
نوابشاہ کے بختاور گرلز کیڈٹ کالج کی پاسنگ اؤٹ پریڈ سے خطاب میں انہوں نے کہا کہ فرٹیلائزر، توانائی اور دیگر سیکٹرز کو دی جانے والی 1500 ارب روپے کی سبسڈی مزدوروں اور کسانوں کو براہ راست دیں گے۔
اقتدار میں آکر کسان، مزدور اور نوجوان کارڈ اور غریبوں کو 300 یونٹ تک بجلی مفت دیں گے، سولر اور ونڈ پاور منصوبے لگاکر اپنی بجلی خود پیدا کریں گے، واپڈا اور کے الیکٹرک کی ضرورت نہیں پڑے گی۔
آئندہ آنے والی حکومت کو وعدہ کرنا ہوگا کہ 5 سال کے اندر تنخواہیں دگنی کرے گی، پرانے سیاستدان پاکستان کا ماضی ہیں، آپ مستقبل ہیں، ہم مل کر محنت کریں گے اور ملک کی ترقی میں حصہ ڈالیں گے۔