سابق وزیراعظم یوسف رضا گیلانی نے پاکستان تحریک انصاف کے وائس چیئرمین شاہ محمود قریشی سے پولیس کی بدسلوکی پر مذمت کرتے ہوئے کہا کہ پیپلزپارٹی نے ہمیشہ ریاستی جبر کا مقابلہ کیا، ہم کبھی جبر و تشدد پر یقین نہیں رکھتے۔
پی پی رہنما نے کہا کہ شاہ محمود کسی مقدمے میں مطلوب تھے تو گرفتاری اخلاقی اقدار میں رہتے ہوئے کرنی چاہیے تھی، انتظامیہ شاہ محمود قریشی سے بدسلوکی کا نوٹس لے۔
خیال رہے کہ شاہ محمود قریشی سے اڈیالا جیل کے باہر پولیس نے دھکے دیے، میڈیا سے بات کرنے سے روک دیا اورگرفتار کرلیا۔