الیکشن کمیشن آف پاکستان نے پیمرا کے چیئرمین کو خط میںلکھا کہ الیکشن ضابطہ اخلاق کی خلاف ورزی کرنے والے میڈیا کے خلاف ایکشن لیا جائے۔
بعض چینلز پول سروے نشر کر رہے ہیں، ضابطہ اخلاق کے مطابق اس کی ممانعت ہے، ضابطہ اخلاق کے مطابق پرنٹ اور الیکٹرونک میڈیا کو پولنگ اسٹیشن اور حلقوں سے سروے اور پول کرانے سے روکا گیا ہے۔
یہ سرگرمیاں ووٹرز پر اثر انداز ہوتی ہیں اور الیکشن عمل میں خلل ڈالتی ہیں،الیکشن کمیشن نے ہدایت کی ہے کہ پیمرا ایسے چینلز کے خلاف فوری ایکشن لے کر رپورٹ جمع کرائے۔