سارہ انعام کے والد انعام الرحیم نے مجرم شاہ نواز امیر کے والدہ ثمینہ شاہ کی بریت کے فیصلے کے خلاف اسلام آباد ہائیکورٹ میں اپیل دائر کی۔
درخواست میں کہا گیا ہےکہ سیشن عدالت نے ثمینہ شاہ کو کیس سے بری کیا، سیشن عدالت کا خاتون کو کیس سے بری کرنے کا فیصلے کالعدم قرار دیا جائے۔
سارہ انعام کے والد کی جانب سے دائر درخواست میں ثمینہ شاہ کو زیادہ سے زیادہ سزا دیے جانے کی استدعا کی گئی ہے۔
دوسری جانب میڈیا سے گفتگو میں مقتولہ کے والد نے کہا کہ وقوعہ والے روز فارم ہاؤس پر تین افراد تھے، شاہنواز امیر نے قتل کیا اور والدہ ثمینہ شاہ بھی موجود تھی۔
انعام الرحیم نے مزید کہا کہ ایسا ہو نہیں سکتا کہ ثمینہ شاہ جرم میں ملوث نہ ہو، مجرم شاہنواز امیر کو جو سزا سنائی اس سے مطمئن ہوں۔