سی ای او ریلوے عامر بلوچ نے کہا ہے کہ ڈائننگ کار کو بہاء الدین زکریا ایکسپریس میں لگایا جائے گا، چند ہفتوں میں دیگر ٹرینوں میں بھی نئی ڈائننگ کار لگا دی جائے گی۔
ریلوے مسافروں کے لیے ایک نئی ڈائننگ کار کا افتتاح کیا گیا ہے جس میں وہ بہتر ماحول اور اعلیٰ سہولیات سے لطف اندوز ہوسکیں گے۔
ڈائننگ کار میں ایک وقت میں 45 مسافر کھانا کھا سکیں گے۔
کار کے مینیو میں 40 سے زائد کھانے شامل ہیں، یہاں گرم روٹی کے لیے تنور بھی موجود ہے جہاں باربی کیو اور پیزا بھی ملے گا، محدود وسائل کے باوجود مسافروں کو بہترین سہولیات فراہم کریں گے۔
ٹرین میں سونے کی سہولیات اور صفائی کا انتظام بھی بہتر بنائیں گے۔