مسلم لیگ (ن) پنجاب کے صدر رانا ثنا اللہ نے کہا ہے کہ جس سے بھی وعدہ کیا پورا کیا، ہر حال میں ق لیگ کیساتھ تعاون کرنا چاہتے ہیں، ق لیگ کے ساتھ بہاولپور این اے 165 کا وعدہ تھا۔
ہم نے خالی چھوڑا ہے، طارق بشیر چیمہ کی خواہش تھی کہ دونوں صوبائی حلقے بھی خالی چھوڑے جائیں، ان دو صوبائی حلقوں سے متعلق بھی کوشاں ہیں کہ ایڈجسٹمنٹ ہوجائے۔
ق لیگ کے ساتھ ہم نے جو بات کی پوری کی ہے، 16ماہ کی حکومت میں سب سے بہتر تعاون چوہدری شجاعت اور چوہدری سالک نے کیا، ہم ہر حال میں ق لیگ کے ساتھ تعاون کرنا چاہتے ہیں۔
جہانگیر ترین کو درخواست کی کہ لودھراں سے لڑنا چاہتے ہیں تو ٹھیک ہے یہاں سے بھی لڑلیں، جہانگیر ترین کے لیے ملتان میں حلقہ 149 خالی چھوڑا ان کی بھرپورسپورٹ کریں گے۔
ان کا کہنا تھاکہ جو لوگ ابھی سائیڈ ہوئے ہیں جب پارٹی کو ضرورت ہوگی تو آجائیں گے، جن لوگوں نے ریاست کے خلاف ہتھیار اٹھائے ہیں وہ سیاسی کارکن کی تعریف سے باہر ہوجاتے ہیں۔