اسلام آباد: تحریک انصاف کے رہنما بابر اعون نے اسلام آباد ہائیکورٹ میں میڈیا سے گفتگو کرتے ہوئے کہا کہ پی ٹی آئی کسی صورت الیکشن کا بائیکاٹ نہیں کرے گی۔
ہم سے بلا چھین لیا گیا ہے اور پچ اکھاڑدی گئی ہے، نوازشریف پہلے بھی دو چیفس سے لڑائی کرکے جاچکے ہیں، نوازشریف کو لانے سے اب کوئی استحکام نہیں آئے گا۔
ایسے الیکشن ہوئے تو 2 ماہ بھی حکومت نہیں چل سکے گی، جو بھی صورتحال ہو ہم الیکشن میں کھڑے ہیں، یہ ساری کوششیں ہوہی اسی لیے رہی ہیں کہ ہم میدان چھوڑ دیں لیکن ہم مرد میدان ہیں، چاہتے ہیں وکٹ بھی ہو پچ بھی اور مخالف بھی۔
پچ اکھاڑدی گئی، وکٹ اٹھا کے لوگ بھاگ گئے، بلاہم سے چھین لیا گیا، اب وہ کہتے ہیں خالی ہاتھ لڑیں، اس کے باوجود ہم الیکشن سے نہیں نکلیں گے۔