امیر جماعت اسلامی کراچی حافظ نعیم الرحمان نے کہا ہے کہ انتہا پسندی کی سیاست کے ذریعے عوام کو انتخابات سے دور رکھنے کی سازش کی جا رہی ہے۔
آرمڈ سکیورٹی فورسز ضروری ہیں مگر ان کے پولنگ بوتھ میں اندر رہنے سے مسائل ہوتے ہیں، ضلع وسطی میں انسانی جان کا نقصان ہوا، جو جماعتیں آپس میں لڑ رہی ہیں۔
وہ چاہتی ہیں کہ عوام کو ووٹ ڈالنے سے دور رکھا جائے، عوام سے گزارش ہے کہ ان پارٹیوں کو ناکام بنا کر ووٹ ڈالنے کیلئے نکلیں، فوج، ایف سی اور رینجرز کا تقرر اسٹریٹجک جگہوں پر ہونا چاہیے، پولنگ بوتھ کے اندر جانے سے زیادہ مسائل ہوتے ہیں۔
جماعت اسلامی انتخابات میں جیت رہی ہے، اس کا راستہ روکنا حب الوطنی نہیں ملک دشمنی ہے، آج کی ڈیڈلائن ہے، انٹر کا رزلٹ مؤخر کر کے کارروائی کی جائے، ورنہ مارچ کریں گے۔
کراچی کے طلبہ کو انٹر سال اول میں فیل کر کے تعلیمی نسل کشی کی گئی ہے، کراچی سے مینڈیٹ لینے والوں نے کراچی کے عوام کا استحصال کیا ہے، کراچی کے عوام جماعت اسلامی کو طاقت دیں، عوام کیلئے سرکاری سطح پر آئی ٹی یونیورسٹی بنائیں گے۔