نیشنل ڈیموکریٹک موومنٹ کے چیئرمین اور سابق رکن قومی اسمبلی محسن داوڑ نے کہا ہے کہ بدامنی انتخابات ملتوی کرانے کی کوشش ہے۔
انہوںنے کہا کہ بدامنی اور سکیورٹی خدشات کے نام پر شمالی وزیرستان میں انتخابات ملتوی کیے گئے تو حمایت نہیں کریں گے،سکیورٹی خدشات پر انتخابات ملتوی کئے گئے تو یہ عوام سے زیادتی ہوگی۔
رواں ماہ انتخابی ریلی کے دوران مجھ پر قاتلانہ حملہ ہوا، انتخابی مہم ان کے پارٹی ورکرز چلا رہے ہیں مگر اس کے باوجود ان کے حلقے میں انتخابات ملتوی کرانے کی کوشش کی حمایت نہیں کی جائے گی۔