پاکستان تحریک انصاف کے مرکزی رہنما اسد قیصر نے کہا ہے کہ ہم کسی بھی صورت دوبارہ انتخابات کی طرف نہیں جائیں گے۔
صوابی میں جلسے سے خطاب کرتے ہوئے پی ٹی آئی رہنما کا کہنا تھا کہ ملک معاشی بحرانوں کا شکار ہے، دوبارہ الیکشن کا متحمل نہیں ہوسکتا۔
انہوں نے کہا کہ آج سپریم کورٹ میں الیکشن میں دھاندلی سے متعلق کیس ہے دھاندلی کے خلاف قانونی جنگ بھی لڑیں گے اور عوام میں بھی جائیں گے۔
پی ٹی آئی رہنما اسد قیصر نے اپنے خطاب کے دوران مطالبہ کیا کہ فارم 45 کے مطابق نتائج کا اعلان کیا جائے اور سابق کشمنر راولپنڈی کے بیانات کی جوڈیشل تحقیقات ہونی چاہییں۔