سندھ ہائی کورٹ کے چیف جسٹس عقیل احمد عباسی نے وائس آف مسنگ پرسنز کے رہنما ہدایت اللہ لوہار کے قتل کا نوٹس لے لیا ہے۔
حیدرآباد میں ہائی کورٹ بار کی جانب سے دیئے گئے عشائیے میں شرکت کے موقع پر چیف جسٹس نے ڈسٹرکٹ اینڈ سیشن جج قمبر شہداد کوٹ کو اس معاملہ پر اقدامات کرنے کی بھی ہدایت کی۔
عشائیے کی تقریب سے خطاب کرتے ہوئے چیف جسٹس سندھ ہائی کورٹ کا کہنا تھا کہ اب تک مقتول کے قتل کی ایف آئی آر کا درج نہ ہو پانا شرم ناک بات ہے، عدلیہ کا اپنا کوئی ایجنڈا نہیں ہوتا ہے، عدلیہ کا کام عوام کو انصاف فراہم کرنا ہے۔