پی ٹی آئی رہنما بابر اعوان نےامریکی نائب وزیر خارجہ ڈونلڈ لو کے کانگریس کمیٹی میں سائفر سے متعلق بیان پر کہا ہے کہ ڈونلڈ لو نے تو عمران خان کو سائفر کیس سے بری کرنے والا بیان دیا ہے۔ وہ کہتا ہے کہ سائفر ہے ہی کوئی نہیں، کیس فوری واپس لینا چاہیے۔
انہوں نےاسلام آباد ہائی کورٹ میں میڈیا کے نمائندوں سے گفتگو کرتے ہوئے کہاکہ اگر ڈونلڈ لو سچا ہے کہ سائفر ہے ہی نہیں تو پھر یہ مقدمہ جھوٹا ہے۔
شہباز شریف اور ان کی مینڈیٹ چور حکومت تو سیلوٹ مار گورنمنٹ ہے۔ یہ سب سے پہلے ڈونلڈ لو کو سیلوٹ مارتے ہیں، ڈونلڈ لو نے یہ بھی کہا کہ امریکا کی پوری کوشش ہو گی کہ پاک ایران گیس پائپ لائن نہ بنے۔ کیا یہ مداخلت نہیں ہے؟ شرم کریں جو لوگ کہتے ہیں کہ مداخلت نہیں ہے۔ عمران خان کا مؤقف درست ثابت ہو گیا، یہ موقف ڈونلڈ لو نے خود ثابت کیا ہے۔