آئی ایس پی آر کے مطابق پاک بحریہ کے جہاز نے سمندر میں ایرانی ماہی گیروں کی ہنگامی کال کو بروقت مانیٹر کیا،پاک بحریہ کے جہاز نےکھلے سمندر میں آگ لگی ایرانی کشتی کے 8 ماہی گیروں کو بچایا اور کشتی میں لگی آگ بجھانے میں بھی کردار ادا کیا۔
آئی ایس پی آر نے کہا کہ بروقت اورکامیاب ریسکیو آپریشن پاک بحریہ کی سمندر میں ہر قسم کی صورتحال سے نمٹنے کا عملی نمونہ ہے، پاک بحریہ کا انسانی ہمدردی کے تحت ریسکیو آپریشن انسانی زندگی کے تحفظ کو یقینی بنانے کے عزم کا غماز ہے۔