پشاور ہائیکورٹ کے چیف جسٹس محمد ابراہیم خان نے درخواستوں پر سماعت کی، دوران سماعت وکیل نے عدالت کو بتایا کہ حماد اظہرکے خلاف 51 مقدمات درج ہیں، دیگرکا ابھی پتانہیں کتنے ہیں۔
چیف جسٹس محمد ابراہیم خان نے ریمارکس دیے کہ یہ تو کئی شہروں میں ان کے خلاف کیسز ہیں۔ انہوں نے استفسار کیا کہ کتنا ٹائم دیں؟ ایڈیشنل ایڈووکیٹ بتائیں، اس پر انہوں نے جواب دیا کہ عدالت کو جو بہتر لگے وہ ٹائم دے دیں۔
وکیل نے کہا کہ لاہور، واہ کینٹ، راولپنڈی، فیصل آباد اور دیگرشہروں میں ایف آئی آر درج ہیں،عدالت نے 51 مقدمات میں راہداری ضمانت منظور کرتے ہوئے حماد اظہرکو ایک ماہ میں متعلقہ عدالتوں میں پیش ہونے کا حکم دیا۔
حماد اظہر نے میڈیا سے گفتگو میں کہاکہ گزشتہ 8 ماہ سے ملک کے قانون کا مذاق بنایا گیا، ایک وقت میں میرے خلاف51مقدمات بنائےگئے، مجھ پر اور میرے گھر والوں پر جو گزارا اس پر دکھ ہے۔