وزیراعظم شہباز شریف کی زیرصدارت امن وامان کی صورتحال کے حوالے سے اجلاس میں بریفنگ دی گئی،جس میں وفاقی وزیرداخلہ، سکیورٹی اداروں کے سربراہان اور متعلقہ اعلیٰ حکام نے شرکت کی۔
وزیراعظم نے چینی باشندوں کی سکیورٹی کے حوالے سے اجلاسوں کا ہرماہ خود جائزہ لینے کا فیصلہ کیا اور وزارت داخلہ کو صوبائی انسداد دہشتگردی محکموں سے تعاون بڑھانے کی ہدایت کی۔
انہوں نے سکیورٹی اداروں کو چینی باشندوں کی سکیورٹی فول پروف بنانے کی ہدایت کی اور کہا کہ سکیورٹی ایس او پیزکے باقاعدگی سے آڈٹ کیلئے جامع لائحہ عمل بنایا جائے۔
ان کا کہناتھا کہ ملک سے دہشتگردی کے مکمل خاتمے تک اس کےخلاف جنگ جاری رکھیں گے۔