صدر مملکت نے دل کی بیماریوں میں اضافے پر تشویش کا اظہار کیا اور دل کی بیماریوں سے بچاؤ کے لیے آگاہی پیدا کرنےکی ضرورت پر زور دیا۔
صدرکا کہنا تھا کہ امراض قلب سے بچاؤ کے لیے جامع کوششیں کرنا ہوں گی،کاربونیٹڈ اور میٹھے مشروبات میں چینی کی مقدار کے بارے میں ہیلتھ ایڈوائزری نمایاں کی جائے۔
صدر مملکت آصف زرداری سے پاکستان نیشنل ہارٹ ایسوسی ایشن (پناہ) کے وفد نے ملاقات کی،صدر مملکت نے صحت مند طرز زندگی کے فروغ میں ‘پناہ کے کردار کو سراہا۔