پاکستان تحریک انصاف (پی ٹی آئی) کے رہنما اور سابق صدر عارف علوی نے لاہور میں میڈیا سےگفتگو کرتے ہوئے کہا کہ اس وقت فارم 47 والی حکومت ہے، یہ چلتی رہی تو حالات خراب ہوں گے۔
مسائل کا حل بات چیت ہی میں ہے، وہ بات چیت کے لیے اپنی کوشش کرتے رہیں گے، اس وقت فارم 47 والی حکومت ہے ، یہ چلتی رہی تو حالات خراب ہوں گے۔
جیل میں بانی پی ٹی آئی کی صحت بھی اچھی ہے، موڈ بھی اچھا ہے، فوج اپنی ہے، ہم نے اُس کا ہمیشہ دفاع کیا ہے، فارم 47 والی حکومت کے پاس مینڈیٹ کم ہے۔
رابطے کے لیے پُل کا کردار ادا کریں گے، ناکام تب ہوں گے جب ناکامی مانیں گے، پاکستان کو غیر ملکی سرمایہ کاری کی ضرورت ہے، سعودی سرمایہ کاروں کے وفد کی آمد سے پاکستان کو فائدہ ہوگا۔
میڈیا آزاد ہے، لوگوں کو پتہ چل رہا ہےکہ دنیا میں کیا ہو رہا ہے، سوشل میڈیا سے افواہیں پھیلتی ہیں، پاکستان واحد ملک ہے جس میں سوشل میڈیا کو بندکیا گیا۔