انٹاریو(شوریٰ نیوز) 16کینیڈین اراکین پارلیمنٹ کا پاکستان بارےوزیراعظم جسٹن ٹروڈوکو خط،پاکستان میں بےگناہ شہریوں کی گرفتاری کی بھرپور مذمت کرتے ہیں، خط کے متن کے مطابق پاکستان میں پرامن مظاہروں کی اجازت ہونی چاہیے اور پاکستان میں تشددکے تمام واقعات سمیت بےگناہ شہریوں، صحافیوں اور دیگر افراد کی گرفتاری کی مذمت کرتے ہیں،شہریوں، صحافیوں اور دیگر افراد کی گرفتاری کی مذمت کرتے ہیں۔متن کے مطابق گرفتار افراد پر مقدمات سول عدالت میں چلائےجانے چاہئیں، عمران خان پر عائد الزامات کھلی عدالت میں واضح کیے جائیں اور پاکستانیوں کو اپنی قسمت کا فیصلہ آزاد اور شفاف انتخابات سے کرنا چاہیے۔خط کے متن میں یہ بھی لکھا گیا کہ پاکستان میں جمہوری اقدار کی حکمرانی کیلئے ساتھ دیں گے، پاکستان کی صورتحال پرآپ کے ٹھوس ردعمل کے منتظر ہیں۔خط پر کینیڈین اراکین پارلیمنٹ اقرا خالد، شفقت علی، سمیر زبیری، پال شیانگ، یاسر نقوی اور دیگر نے دستخط کیے۔