پاکستان تحریک انصاف (پی ٹی آئی) کے رہنما عمر ایوب نے کہاہےکہ امن وامان پر دعوے کرنے والے وزیر داخلہ بیرون ملک سرمایہ کاری کیوں کر رہے ہیں؟
اپوزیشن لیڈر عمر ایوب نے قومی اسمبلی میں خطاب کرتے ہوئے سوال اٹھایا کہ کیا یہ رقوم اسٹیٹ بینک کی اجازت سے گئی تھیں؟ سورس چیک کریں کہ رقوم کیسے دبئی گئیں۔
پتا لگ جائے گا کہ دبئی میں جائیداد ڈیکلیئرڈ ہیں یا نہیں، بانی پی ٹی آئی جو کہتے ہیں وہ درست ثابت ہوا، وزیرداخلہ یا جو امن وامان پر بڑے بڑے دعوے کر رہے ہیں وہ وہاں سرمایہ کاری کیوں کر رہے ہیں؟
چیئرمین پی ٹی آئی بیرسٹر گوہر نےکہا کہ جو پیسا چھپایا اور منی لانڈرنگ ہوئی اس کی تحقیقات ہونی چاہئیں، اس پر بھی غور کرنا چاہیےکہ کیوں پاکستان سے باہر جاکر سرمایہ کاری کر رہے ہیں۔