سندھ کے شہر سکھر میں 22 سے 27 مئی تک ہیٹ ویو ایمرجنسی نافذکردی گئی ہے جب کہ اسکولوں کے اوقات صبح ساڑھے 7 بجےسے 12 بجے تک کردیئےگئےہیں۔
اس کے علاوہ لیبر ڈیپارٹمنٹ کو 12 سے 3 بجے تک مزدوروں کو بریک ٹائم دینے کی ہدایت کی گئی ہے،علاوہ ازیں ہیٹ ویوکے پیش نظرسندھ بھرمیں انٹرکے امتحانات ملتوی کردیے گئے ہیں۔
انٹر کے امتحانات 22 مئی کے بجائے اب 27 مئی سے شروع ہوں گے، محکمہ موسمیات نے بہاولپور، رحیم یارخان اور ملتان میں بھی 21 سے27 مئی تک ہیٹ ویو کا خدشہ ظاہرکیا ہے جب کہ ہیٹ ویو کے پیش نظر ڈی جی پی ڈی ایم اے نے پنجاب بھر کے اسپتالوں میں ہیٹ ویو کاؤنٹرز قائم کرنے کی ہدایت کی ہے۔