وزیر صحت پنجاب خواجہ عمران نذیر کے مطابقمیڈیکل اسٹورز پر اینٹی بائیوٹک اور نشہ آور ادویات کی فروخت ریگولیٹ کرنے کا فیصلہ کیا ہے
انہوں نےصوبے میں اینٹی بائیوٹک ادویات کے بے جا استعمال بارے اجلاس کی صدارت کرتے ہوئے ادویات کا بے جا استعمال روکنےکاعندیہ دیا گیا۔
انہوں نے کہا کہ اینٹی بائیوٹک ادویات کے بے جا استعمال سے انسانی جانوں کا ضیاع ہو رہا ہے، اینٹی بائیوٹک ادویات کا بے جا استعمال روکنے کے لیے ہیلتھ کیئرکمیشن اور ڈریپ سے مشاورت کا فیصلہ کیا ہے۔
وزیر صحت پنجاب نے ہدایت کی کہ ڈرگ کنٹرول ونگ، پی ایچ سی اور ڈریپ سے مشاورت کےبعد ایک ہفتے میں سفارشات دے، سفارشات حتمی منظوری کے لیے اعلیٰ حکام کو پیش کی جائیں گی۔
خواجہ عمران نذیر کا اجلاس میں کہنا تھا کہ میڈیکل اسٹورز پر اینٹی بائیوٹک اور نشہ آور ادویات کی فروخت ریگولیٹ کرنے کا فیصلہ کیا ہے۔
خیال رہے عالمی ادارہ صحت (ڈبلیو ایچ او)کی ایک رپورٹ میں بتایا گیا تھا کہ سال 2019 میں اینٹی بائیوٹک ادویات کے بے دریغ استعمال سے پاکستان میں 60 ہزار افراد کی اموات ہوئیں۔