گورنر خیبر پختونخوا فیصل کریم کنڈی نے کہا ہےکہ اگر مولانا فضل الرحمان پی ٹی آئی کے ساتھ بیٹھے تو یہ قیامت کی نشانی ہوگی۔
لاہورمیں سابق وزیر اعلیٰ پنجاب میاں منظور وٹو کی رہائش گاہ پر میڈیا سے گفتگو میں فیصل کریم کنڈی نے کہا کہ پارٹی نے جو ٹاسک دیا ہے وہ پورا کروں گا، بات چیت ان سے ہونی چاہیے جو آئین کو مانتے ہیں۔
گورنر کے پی نے کہا کہ صوبے کی حکومت نے بجٹ میں تعلیم کیلئے 3 ارب رکھے تھے، خرچ ایک روپیہ نہیں کیا، وزیر اعلیٰ کی مجبوریوں کا احساس ہے ، اب ان کے سخت جملوں کا جواب نہیں دوں گا، ان سےکہوں گا مذاکرات کے ذریعے مسائل کا حل تلاش کریں ۔
فیصل کریم کا کہناتھا کہ اگر مولانا تحریک انصاف کے ساتھ بیٹھے تو یہ قیامت کی نشانی ہوگی، ہم تو انتظار کررہے ہیں کہ مولانا اور گنڈا پور ایک ٹرک پر عوام سے خطاب کریں۔
دوسری جانب میاں منظور وٹو نے کہا کہ انہوں نے پارٹی نہیں چھوڑی، ان کے بچے الگ ہوئے تھے لیکن بلاول بھٹو نے تحفظات دور کردیے ہیں۔