وزیراعلیٰ پنجاب مریم نواز نے کہا ہےکہ کاشتکاروں کے لیےکسان کارڈ کا آغازکر دیا ہے اس حوالے سے رجسٹریشن شروع کردی گئی ہے، کسان خوشحال ہو گا تو پنجاب خوشحال ہوگا ،الحمدللہ ،کاشتکاربھائیوں کے لیے کسان کارڈ کا آغاز کردیا ہے۔
کسان کارڈ کے ذریعے کسانوں کوسالانہ 300ارب روپے کے پیداواری قرضے دیے جائیں گے،ہرکسان ایک فصل کے لیے ڈیڑھ لاکھ روپے تک آسان قرض حاصل کرسکے گا ۔
کسان کارڈ سے کسان کھاد ، بیج اور دیگر زرعی مداخل خرید سکیں گے، 5 لاکھ کاشتکار کسان کارڈ سے مستفید ہوں گے جبکہ ساڑھے 12 ایکڑ تک اراضی کی ملکیت رکھنے والے کسان کارڈ رجسٹریشن کے اہل ہوں گے۔