ملاقات میں چینی صدر شی جن پنگ نے وزیراعظم شہباز شریف کو اپنے آبائی شہر شی آن میں ٹیرا کوٹا وارئیرز میوزیم کا دورہ کرنے کی دعوت دی تھی۔
دورے میں وزیرِ اعظم اور پاکستانی وفد کو تاریخی ورثہ جات کے تحفظ و بحالی اور سیاحت کے فروغ کے حوالے سے بریفنگ دی گئی،وزیرِ اعظم نے میوزیم کے مختلف حصوں کا دورہ کیا ۔
قدیم چینی تاریخی ورثے کی خوبصورتی اور چینی ہنر کی تعریف کی۔ اس موقع پر شہباز شریف کا کہنا تھاکہ عظیم قومیں چین کی طرح اپنے تاریخی ورثے کی حفاظت کرتی ہیں، چین نے محنت سے دنیا کے ہر شعبے میں اپنا لوہا منوایا ہے۔
شی جن پنگ کی اس میوزیم کے دورے کی دعوت پر ان کا بے حد مشکور ہوں، پاکستان تاریخی و ثقافتی ورثے سے مالامال ہے، پاکستان میں بھی ایسی تاریخی جگہوں کی بحالی کے بعد انہیں سیاحتی مقامات میں تبدیل کریں گے۔
دوسری جانب وزیرِ اعظم شہباز شریف اپنا پانچ روزہ دورہ چین مکمل کرکے پاکستان روانہ ہوگئے۔ وزیراعظم کو شانشی صوبے کے نائب گورنر، اعلیٰ چینی و پاکستانی سفارتی اہلکاروں نے رخصت کیا۔