سابق گورنرسندھ عشرت العباد نے منڈی بہاء الدین میں ویڈیو لنک سے خطاب کرتے ہوئے کہا ہے کہ ملکی سنگین حالات میں نئے سیاسی پلیٹ فارم کی اشد ضرورت ہے۔
انہوں نے کہا کہ قوموں پر مشکل وقت آتا ہے، متحد ہو کر مقابلہ کرنا ہوگا، بہتر حالات کیلئے گڈگورننس کا ہونا ضروری ہے، پاکستان کے لیے پرامید ہوں، ملکی سنگین حالات میں نئے سیاسی پلیٹ فارم کی اشد ضرورت ہے، پاکستان کی خدمت کیلئے اپنی صلاحیتیں بروئے کار لا کر دوبارہ سیاست میں آنے کا ارادہ کیا۔
منفی پروپیگنڈہ کرنے والوں کو منہ کی کھانا پڑے گی، عوام خوشحال ہو گی تو ملک مضبوط ہو گا، بہت سے دوست سیاستدانوں سے ملاقاتیں ہوچکی ہیں، جلد اگلے لائحہ عمل کا اعلان کریں گے۔