وزیراعلیٰ پنجاب مریم نواز کی ہدایت پر لاہور سمیت صوبے بھر میں 9 محرم کے جلوسوں میں شریک عزاداروں کیلئے سبیلوں اور لنگر کا اہتمام کیاگیا۔
خواتین، بزرگوں اور بچوں کی تواضع اور دیکھ بھال کیلئے بھی خصوصی انتظامات کیے گئے ہیں۔ وزیراعلیٰ کی ہدایت پر پنجاب بھر میں عزاداروں اور 9 محرم کے جلوسوں میں شریک افراد کیلئے لنگر کا بھی اہتمام کیاگیا۔
اس کے علاوہ یوم عاشور پر بھی جلوسوں اور عزاداروں کیلئے بڑے پیمانے پر خصوصی سبیلیں بھی لگائی گئی ہیں۔
ضلعی انتظامیہ نے دیگر اداروں کے اشتراک سے رات گئے سبیلوں کے انتظامات مکمل کیے۔ محرم جلوسوں میں شریک خواتین، بزرگوں اور بچوں کا خصوصی خیال رکھا جارہا ہے۔ عزاداروں کی دیکھ بھال کیلئے ایمبولینسز اور طبی عملہ بھی متحرک ہے۔ عزاداروں نے شدید گرمی میں خصوصی انتظام کرنے پر وزیر اعلیٰ کی کاوشوں کو سرا ہا۔