پیپلز پارٹی کے رہنما اور سندھ کے صوبائی وزیر بلدیات سعید غنی نے کہاہےکہ پیپلز پارٹی کا واضح موقف ہےکہ سیاسی جماعتوں پر پابندی نہیں ہونی چاہیے، لیکن پی ٹی آئی سیاسی جماعت کے پیرا میٹر میں نہیں آتی، پی ٹی آئی کو ثابت کرنا ہوگا وہ سیاسی جماعت ہے۔
کراچی یونین آف جرنلسٹ دستور کی روایتی دعوت حلیم کی تقریب میں میڈیا سےگفتگو کرتے ہوئے سعید غنی نے کہاکہ مخصوص نشستوں کے حوالے سے سپریم کورٹ کے فیصلےکا احترام ہے لیکن فیصلے سے ابہام پیدا ہوا ہے۔
سعید غنی نے کہا کہپی ٹی آئی کو ثابت کرنا ہوگا وہ سیاسی جماعت ہے۔ تحریک انصاف کو اپنا سیاسی رویہ تبدیل کرنا ہوگا۔ سیاست دان اپنی ذات سے آگےکا سوچتے ہیں لیکن بانی پی ٹی آئی ایسا نہیں کرتے۔