رجسٹرار لاہور ہائیکورٹ کے مطابق چیف جسٹس لاہور ہائیکورٹ عالیہ نیلم نے اضافی اخراجات پر نوٹس لے لیا، اقدامات سے قومی خزانہ کو ایک ارب روپے کی بچت ہوئی۔
پنجاب کی ماتحت عدالتوں میں ویڈیو لنک کے لیے اضافی آلات کی خریداری کا نوٹیفکیشن واپس لے لیا گیا ہے، پنجاب کے سیشن ججز کے پاس پہلے سے ویڈیو لنک سسٹم ہیں۔
رجسٹرار کے مطابق پنجاب کی تمام ماتحت عدالتوں میں ویڈیو لنک سے متعلق سماعت جاری ہے، ماتحت عدلیہ کے ججز کے پاس لیپ ٹاپ اور وائی فائی کی سہولت بھی موجود ہے لہٰذا ویڈیو لنک سے متعلق نئے آلات کی خریداری کی ضرورت نہیں۔