نائب وزیراعظم اسحاق ڈار نے اسلام آباد میں تقریب سے خطاب میںکہا ہےکہ اگر پاکستان پر 130 ارب ڈالر کا غیر ملکی قرضہ ہے تو پریشان نہ ہوں، ملکی معیشت میں بہت صلاحیت ہے۔
نائب وزیراعظم نے کہا کہ ہماری حکومت باہمی تجارت کی پالیسی پر گامزن ہے، برآمدات کو بڑھانا حکومت کا ایجنڈا ہے، پی ڈی ایم حکومت کا صرف ایک ایجنڈا تھا کہ ملک کو دیوالیہ ہونے سے بچائیں۔
اگر پاکستان پر 130 ارب ڈالر کا غیر ملکی قرضہ ہے تو پریشان نہ ہوں، ملکی معیشت میں بہت صلاحیت ہے، محدود وسائل کے باوجود ترقیاتی منصوبوں پر کام ہورہا ہے، معاشی ترقی کےلیے اصلاحات وقت کا تقاضا ہیں، ہم ہر قسم کے چیلنجز کا سامنا کررہے ہیں۔
مہنگائی 30 فیصد سے کم ہوکر 10 فیصد تک آگئی ہے، معاشی ترقی کے مواقع موجود ہیں،صرف رکاوٹیں دور کرنے کی ضرورت ہے، اسٹاک مارکیٹ کے انضمام کے لیے بہت محنت کی، 2016 میں تینوں اسٹاک مارکیٹس کا انضمام کیا گیا۔