فاقی وزیر داخلہ محسن نقوی نے کہا ہے کہ سوشل میڈیا کے ذریعے تشدد پر اکسانے والوں کو معافی نہیں ہونی چاہیے۔
لندن میں وزیر داخلہ محسن نقوی نے برطانوی ہم منصب اویٹ کوپر سے ملاقات کی جس دوران باہمی امور پر تبادلہ خیال کیا ۔انہوں نےکہا کہ برطانیہ کے ساتھ بارڈر مینجمنٹ اور کرمنلز مقدمات میں لیگل معاونت پر تعاون بڑھانا چاہتے ہیں جب کہ غیرقانونی امیگریشن سے نمٹنے کے لیے باہمی اشتراک کار بڑھانا ضروری ہے۔
وفاقی وزیر داخلہ نے پاکستانی پولیس افسران کی برطانیہ میں ٹریننگ کے امور پر بات کرتے ہوئے کہا کہ خوشی ہوگی کہ پاکستانی پولیس افسران باقاعدہ برطانیہ میں ٹریننگ حاصل کریں۔
محسن نقوی کا کہنا تھا کہ سوشل میڈیا کے ذریعے تشدد پر اکسانے والوں کو معافی نہیں ہونی چاہیے،وفاقی وزیرداخلہ محسن نقوی نے برطانوی ہم منصب کو دورہ پاکستان کی دعوت بھی دی۔
اس موقع پر برطانوی وزیر داخلہ نے کہا برطانیہ پاکستان کے ساتھ تعلقات کو انتہائی اہمیت دیتا ہے، پاکستان کے ساتھ مختلف شعبوں میں تعاون جاری رکھیں گے۔