شمالی وزیرستان میں سکیورٹی فورسز کے انٹیلی جنس بیسڈ آپریشن میں فتنہ الخوارج کے3 خوارج ہلاک ہوگئے، ہلاک ہونے والے خوارج کے قبضے سے اسلحہ اور گولا بارود برآمد کرلیا گیا ہے۔
پاک فوج کے شعبہ تعلقات عامہ( آئی ایس پی آر) کے مطابق شمالی وزیرستان کے علاقے رزمک میں سکیورٹی فورسز نے خوارج کی موجودگی کی اطلاع کی بنیاد پر آپریشن کیا۔
آپریشن کےدوران سکیورٹی فورسز اور خوارج کے درمیان شدید فائرنگ کا تبادلہ ہوا،جس سے فتنہ الخوارج کے 3 خوارج ہلاک اور ایک زخمی ہوگیا، ہلاک خوارج سکیورٹی فورسز کے خلاف دہشت گردی اور معصوم شہریوں کی ٹارگٹ کلنگ میں ملوث تھے۔
آئی ایس پی آر کے مطابق علاقے میں کسی اور خوارج کے خاتمے کے لیے کلیئرنس آپریشن جاری ہے، سکیورٹی فورسز ملک سے خوارج اور دہشتگردی کی لعنت کے خاتمے کیلئے پرعزم ہیں۔