لاہور(شوریٰ نیوز)سابق وزیر داخلہ پنجاب ہاشم ڈوگر کا ڈیموکریٹس گروپ ختم کرنیکا اعلان ، انہوں نے اس بات کا اعادہ کیا کہ وہ آخری وقت تک پی ڈی ایم کے خلاف ہی سیاست کرینگے اور کسی جماعت میں شامل نہیں ہونگے ، تفصیلات کے مطابق پی ٹی آئی کے سابق رہنما اور سابق وزیر داخلہ پنجاب ہاشم ڈوگر نے ڈیموکریٹس گروپ ختم کرنے کا اعلان کردیا۔ایک بیان میں ہاشم ڈوگر نے کہا کہ سب دوستوں کی مرضی ہے وہ اپنے مستقبل سے متعلق فیصلےکریں۔انہوں نے کہا کہ آخری وقت تک پی ڈی ایم کے خلاف ہی سیاست کروں گا اور کسی جماعت میں شامل نہیں ہوں گا۔واضح رہے کہ پی ٹی آئی کے سابق رہنما ہاشم ڈوگر نے پارٹی چھوڑنے والے ارکان پر مشتمل ڈیموکریٹس گروپ بنایا تھا۔