قومی ائیر لائن ( پی آئی اے ) کے آپریشنل مسائل کے سبب آج بھی کراچی، اسلام آباد اور پشاور کی 6 پروازیں منسوخ ہوگئیں۔
فلائٹ شیڈول کے مطابق مختلف ائیرپورٹس کی 13 ملکی اور غیرملکی پروازیں تاخیر کا شکار ہیں جب کہ کراچی اسلام آباد کی پی آئی اے کی 2 ، شارجہ اسلام آباد کی ایک اور پشاور ابوظبی آمد اور روانگی کی 2 پروازیں منسوخ کر دی گئی ہیں۔
کراچی اسلام آباد کی پرواز 2 گھنٹے تاخیر سے صبح 9 بجے اور کراچی اسلام آباد کی پرواز ایک گھنٹہ تاخیر سے رات 8 بجے جائے گی۔
جدہ لاہور کی غیرملکی ائیر لائن کی پروازوں میں ڈیڑھ گھنٹہ، غیر ملکی ائیر لائن کی لندن اسلام آباد کی 2 پروازوں میں ایک گھنٹہ، اسلام آباد جدہ کی پی آئی اے کی پرواز میں ڈیڑھ گھنٹہ اور اسلام آباد اسکردو کی پرواز میں 3 گھنٹہ تاخیر ہے۔
اس کے علاوہ اسلام آباد دبئی کی پرواز ڈیڑھ گھنٹہ تاخیر سے دوپہر ایک بجے، اسلام آباد سے دبئی کی پرواز 8 گھنٹے تاخیر سے رات 11 اور العین سے اسلام اباد کی پرواز ڈیڑھ گھنٹے کی تاخیر سے پہنچے گی ۔