گورنر پنجاب سردار سلیم حیدر خان نے کہا ہےکہ جامعات کو ڈرگ فری بنانے کے لیے طلبا اور فیکلٹی کے ٹیسٹ کروانے جا رہے ہیں، طلبا کے مسائل حل کروانےکے لیے خود یونیورسٹیوں کے دورے کروں گا۔
25 پبلک سیکٹر یونیورسٹیز میں مستقل وائس چانسلرز کام نہیں کر رہے، نگران دور میں عدالتوں نے وائس چانسلرز کی تعیناتیاں روک دی تھیں، وائس چانسلرز کی تعیناتی کے لیے سرچ کمیٹی نے انٹرویوز مکمل کرلیے ہیں، ایک سے دو روز میں تمام یونیورسٹیز کے وائس چانسلرز لگا دیے جائیں گے۔
یونیورسٹیز میں ڈرگز ، ہراسمنٹ اور کرپشن کی بہت شکایات موصول ہوئی ہیں، یونیورسٹیز کو ڈرگ فری بنانے کے لیے طلبا اور فیکلٹی کے ٹیسٹ کروانے جا رہے ہیں، ہراسمنٹ کے خاتمے کے لیے اب یونیورسٹی کے باہرکارڈ چیک ہوں گے۔