کراچی(شوریٰ نیوز)کال سینٹرز پر چھاپوں کے دوران تین ملزمان کو گرفتار، ملزمان امریکی شہریوں کو کال کر کے خفیہ ڈیٹا تک رسائی حاصل کرتے تھے تفصیلات کے مطابق وفاقی تحقیقاتی ایجنسی (ایف آئی اے) سائبر کرائم سرکل نے کراچی کے علاقے پی ای سی ایچ میں واقع دو کال سینٹرز پر چھاپوں کے دوران تین ملزمان کو گرفتار کرلیا۔ترجمان ایف آئی اے کے مطابق ملزمان شہریوں کے کریڈٹ کارڈز کے خفیہ مالیاتی ڈیٹا کی چوری میں ملوث ہیں۔گرفتار ملزمان میں ضیغم جاوید، صائم اور اویس عالمگیر شامل ہیں۔حکام کا کہنا ہے کہ ملزمان خود کو بینک ملازم ظاہر کر کے سپوفنگ کال کرتے تھے، ملزمان امریکی شہریوں کو کال کر کے خفیہ ڈیٹا تک رسائی حاصل کرتے، ملزمان امریکی شہریوں کو جعلی کال کرتے ہوئے رنگے ہاتھوں پکڑے گئے۔ترجمان کے مطابق ملزمان ملزمان نے امریکی شہریوں کا ڈیٹا سوشل میڈیا کے ذریعے خریدا، کریڈٹ کارڈ کا غلط استعمال کرتے ہوئے شہریوں کو شدید مالی نقصان پہنچاتے تھے، ملزمان امریکی شہریوں کے کریڈٹ کارڈز کو ذاتی خریداری کے لئے استعمال کرتے تھے۔ ملزمان سے ڈیجیٹل گیجٹس برآمد کرکے دو مقدمات درج کر لئے گئے۔