غلام سرور خان کا تحریک انصاف چھوڑنے کا اعلان

راولپنڈی(شوریٰ نیوز)تحریک انصاف کے مرکزی رہنما و سابق وفاقی وزیر غلام سرور خان نے سانحہ 9مئی کی بنیاد پر تحریک انصاف سے مکمل علیحدگی کا اعلان کرتے ہوئے کہا ہے کہ جی ایچ کیو اور کور کمانڈر ہاؤس پر حملہ دراصل پاکستان کے دل اور پاکستانیت پر حملہ ہے9مئی کے واقعات اوراداروں سے محاذ آرائی کے مرتکب افراد کو قرار واقعی سزا ملنی چاہئے گزشتہ روزاپنے صاحبزادے این اے 63سے رکن قومی اسمبلی منصور حیات خان اور بھتیجے پی پی19کے رکن صوبائی اسمبلی عمار صدیق خان کے ہمراہ اپنے ویڈیو بیان میں انہوں نے کہا مجھے اور میرے خاندان کو عملی سیاست میں 50سال ہو چکے ہیں جہاں تک 9 مئی کے واقعہ کا تعلق ہے بحیثیت پاکستانی جو افواجِ پاکستان کی قربانیاں ہیں پاکستان کی بقا اور سلامتی کے لئے افواجِ پاکستان، شہدا کی ان یادگاروں پہ حملہ کرنا،جی ایچ کیوپر حملہ کرنا،کور کمانڈر ہاؤس پہ حملہ کرنا، میانوالی بیس پہ حملہ کرنا وہ حملہ آور ملک دشمنی کے مرتکب ہوئے ہیں انہوں نے جی ایچ کیوپر حملہ نہیں کیا انہوں نے کورکمانڈر ہاؤس پہ حملہ نہیں کیا انہوں نے پاکستان کے دل پہ حملہ کیا پاکستانیت پہ حملہ کیا تو میں ان تمام ناپاک عزائم اورناپاک اقدام کی بھرپور مذمت کرتا ہوں میرا یہ مطالبہ ہے بحیثیت ایک محب وطن پاکستانی کہ ایسے لوگوں کو قرار واقعی سزادینی چاہیے جن لوگوں نے اداروں کے ساتھ محاذ آرائی کی، میں اس محاذ آرائی کی بھی بھرپور مذمت کرتا ہوں اور اس محاذ آرائی کی پالیسی سے اختلاف میں نے پارٹی کے ہر فورم پر بھی کیا کہ ہمیں محاذ آرائی نہیں کرنی چاہیے اداروں کے ساتھ لڑائی نہیں کرنی لیکن جو کچھ ہوابرا ہوابلکہ بہت برا ہوا اس بنا پر تحریک انصاف سے علیحدگی کا اعلان کرتا ہوں۔