ایشین ہاکی ٹرافی، پاکستان اور ملائیشیا کے مابین میچ آج کھیلا جائے گا

اسلام آباد (شوریٰ نیوز)ایشین ہاکی ٹرافی، پاکستان اور ملائیشیا کے مابین میچ آج کھیلا جائے گا ،قومی ٹیم ایونٹ میں دوسرا میچ 4 اگست کو کوریا، تیسرا 6 اگست کو جاپان سے کھیلے گی،ایشین ہاکی چیمپئینز ٹرافی میں پاکستان آج ملائیشیا کے مدمقابل آئے گا جبکہ محمد ثقلین قومی ٹیم کے ہیڈکوچ ہوں گے۔پاکستان ہاکی فیڈریشن (پی ایچ ایف) نے محمد ثقلین کی تقرری کے حوالے سے ٹیم مینجمنٹ کو آگاہ کردیا ہے جبکہ چیمپئنز ٹرافی کے لیے لوکل فزیو کی خدمات بھی حاصل کرلیں ہیں۔اس سے قبل ہاکی فیڈریشن نے شہناز شیخ کو ہیڈکوچ بنایاتھا تاہم وہ ویزا مسائل کی وجہ سے ٹیم کے ساتھ بھارت نہیں جاسکے۔پاکستان ٹیم نے ملائیشیا کے خلاف میچ سے قبل گزشتہ روز بھرپور پریکٹس کی، ٹیم کے کپتان عمر بھٹہ نے کہا کہ میچ میں کامیابی کے ساتھ ایونٹ کا آغاز کرنا چاہتے ہیں، نوجوانوں اور سینئرز کے کمبینیشن سے بہتر پلاننگ کے ساتھ اچھے نتائج دینے کی کوشش کریں گے۔ٹورنامنٹ کا آغاز آج چنائی میں ہوگا جبکہ قومی ٹیم پاکستانی وقت کے مطابق شام 6:45 پر ملائیشیا سے ٹکرائے گی۔یشین ہاکی چیمپئنز ٹرافی کا افتتاحی میچ میں آج کوریا اور جاپان کی ٹیمیں ایک دوسرے سے ٹکرائیں گی جبکہ میزبان بھارت کا مقابلہ چین سے ہوگا۔واضح رہے کہ قومی ٹیم ایونٹ میں اپنا دوسرا میچ 4 اگست کو کوریا، تیسرا میچ 6 اگست کو جاپان، چوتھا میچ 7 اگست کو چین جبکہ پانچویں میچ میں 9 اگست کو روایتی حریف بھارت کیساتھ کھیلے گا۔